Naobserbaranen dagiti naruay a tattao kadagiti nagduduma a kamposanto ditoy siudad ti Laoag.
Daytoy ket kas paset ti panangselebrar ti Undas 2026.
Iti panagturong ti Bombo Radio Laoag kadagiti nagduduma a kamposanto, adda dagiti naka-deploy a kameng ti Bureau of Fire Protection (BFP), Philippine National Police (PNP), ken ti medical team no bilang adda dagiti saan a mapakadaan a mapasamak iti uneg ti kamposanto.
Makita pay dagiti nakapuesto nga agtagilako kadagiti sabsabong, makan, kandela, ken dadduma pay a masapol dagiti agturong ti kamposanto.
Malaksid iti daytoy, iti pannakisarsarita ken ni Mrs. Vinci Corpuz, maysa a bimissita iti asawana, kunana a kanayon ti panagsagana da no agturong da iti kamposanto no sadinno a mangisagana da ti nagduduma taraon kas koma ti linapet nga iserbida kas atang.
Kabayatanna, iti agdama, adda pay laeng dagiti ikamkamat na ti agdalos kas panagsagana ken panagturong dagiti naruay a tattao iti kamposanto.
