Inbatad ni Liga ng mga Barangay Federated President Ryan John Pascua a ti kangrunaan a mabenipisyaran iti Bawat Barangay Makikinabang Program (BBM) Scholarship Program no sadinno a makaawat ti kada benepisyaryo ti 20 ribo a pisos ket dagiti adda iti vulnerable sector, saan a karaman iti aniaman nga scholarship program, ken dagiti graduating student.
Kunana nga adda dagiti estudiante a naikkat ti nagan da iti nasao nga scholarship program gapu ta adda iti agdama a nakairamanan da nga scholar ken swinitik da ti rekord da.
Inpetteng na a no kayat a gundawayan ti Bawat Barangay Makikinabang Program ket agikkat iti agdama a nakiramanan nga scholarship program.
Inkalintegan na pay a dagiti miembro ti Pantawid Pamilyang Pilipino Program ket mabalin nga umawat iti nasao a benepisyo laketdi sertipikaran ti barangay nga awanen ti sabali nga umawat a kualipikado isut gapuna a maipaay laengen kadagitoy.
Kabayatanna, inlawlawag a no adda dagiti barangay a saan a makakompleto ti lima a benepisyaryo ti programa ket isubli da ti saan a nausar a pondo gobierno national.
Innayon na a dagiti saan a mausar a pondo ket saan a mabalin a pagbalinen a barangay trust fund.
