Naapiten ti 70 a porsiento ti pagay a naimula ditoy siudad ti Laoag.
Daytoy ti inbatad ni Engineer Shiela Opelac, mangidadaulo ti City Agriculture Office ditoy siudad.
Segun kenkuana, manipud iti 2,900 nga ektarya a nakaplano a pagmulaan ti pagay, nasurok a 90 porsiento ti na-monitor da a nagmula, no sadinno nga adda metten ti 70 a porsiento a naapit.
Inlawlawag na pay a dagiti nabati a pagay ket addan iti proseso ti panagapit, nangruna kadagiti naudi a naimula.
Kabayatanna, agtultuloy ti panangmonitor ti City Engineering Office iti sitwasyon ti panagtalon ken panagapit ti pagay ditoy siudad.
