Mangipatungpal ti Philippine National Police (PNP) ti full alert status iti intero a pagilian sakbay ti Oktubre 30 agingga Nobiembre 2 sakbya ti obserbasion ti All Saint’s Day ken All Soul’s Day wenno Undas.
Segun ken ni PCol. Allen Rae Co, ti hepe ti Public Information Office ti Philippine National Police (PNP), a maiwaras ti 72,501 a pulis malaksid pay kadagiti agarop 17,000 a personalidad manipud iti Armed Forces of the Philippines, Philippine Coast Guards ken dadduma pay nga ahensia.
Gagem daytoy a pagtalinaeden ti kinatalged ti panagbiahe dagiti agawid kadagiti probinsiada kasta payen kadagiti agbisita kadagiti pampubliko a kamposanto.
Mainaig iti daytoy, adda payen ti naiget a koordinasion dagiti pulis iti nagduduma a local government units tapno masigurado ti naiget a seguridad.
