Naisayangkat ti maysa a simultaneous earthquake drill para iti safety ken readiness dagiti umili partikular dagiti estudiante ken mangisursuro kadagiti pagadalan no adda iti mapasaran a gingined.
Karaman kadagiti nakipaset ti earthquake drill ditoy siudad ti Laoag ket dagiti kameng ti Bureau of Fire Protection (BFP), City Disaster Risk Reduction and Management Office (CDRRMO), Philippine National Police (PNP) ken dadduma pay nga ahensia ti gobierno.
Naipatungpal ti drill kadagiti sumagmamano a pagadalan ken pasdek iti aglawlaw iti siudad kas ti Gabu National High School, Ilocos Norte College of Arts and Trades, Ilocos Norte Electric Cooperative, National Grid Corporation of the Philippines ken ti Provincial Resiliency.
Basar ken ni Fire Senior Inspector Edison Reyes, ti acting City Fire Marshal iti Bureau of Fire Protection ditoy siudad ti Laoag, a gagem ti aktibidad a pasayaaten ken siguradwen iti awareness ken preparedness dagiti maseknan no adda ti mapasamak a gingined.
