LAOAG CITY -Inrakurak ni Police Capt. Christopher Pola, ti chief of police ti ili ti Badoc, nga agtultuloy ti panangisayangkat da ti school shooting drills.
Daytoy ket paset ti programa da para iti agtultuloy a panangipaay da ti serbisio iti lokal a komunidad ti ili ti Badoc.
Segun kenkuana, agtultuloy ti koordinasion da kadagiti pagadalan iti nasao nga ili tapno mangisayangkat ti school shooting drill.
Gagem daytoy a maiyadal kadagiti agad-adal ken mangisursuro dagiti rumbeng nga aramiden da bilang adda ti mapasamak a saan a nasayaat wenno pammaltog kadagiti pagadalan.
Kunana nga adda laeng dagiti sumagmamano a nabati a pagadalan a saan da pay a nadanon iti baet ti kalikagomda a 100% ti maiyuswat nga shool shooting drills iti nasao nga ili.
Malaksid iti daytoy, kunana nga adda pay ti programa da a “libreng sakay” kadagiti umili kangrunaan no adda dagiti saan a mapakadaan a situasion wenno emerhensia.
