Kalikagum ti maysa a lalaki a magun-od manen ti record title kas “oldest hiker” a makompleto ti Appalachian Trail, maysa a 3,530 kilometer a trail iti baet ti Springer Mountain iti Georgia ken Mount Katahdin iti Maine.
Ti Appalachian Trail Conservancy ket mangikeddeng ti maysa a thru-hike kabayatan ti panangkompleto ti amin a trail iti aniaman nga order iti las-od ti maysa a tawen.
Ni Dale Sanders wenno ad-adda nga amammo kas “Grey Beard” ket immuna a nagun-odna ti Appalachian Trail rekord idi 2017 iti tawenna nga 82. Idinto a naala daytoy a titutlo ti pagayamna a ni M.J Eberhart wenno Nimblewill Nomad nga agtawen ti 83.
Gapu iti daytoy, inanunsio ni Sanders ti panagsubli na kalpasan ti sumagmamano a bulan ken nangrugi daytoy idi Setiembre 6.
Numan pay narigatan ni Sanders idi umuna a journey-na, ti kabaroan a journey-na ket inbatadna a narigrigat manen. Uray pay adda innem a bulan a panagsanayna, inadmitir na nga awan isuna ti kasayaatan a kondision
