Insayangkat ti Ilocos Norte Police Provincial Office (INPPO) iti one stop shop license to own and possess firearms ken ti firearms registration caravan iti probinsiya.
Segun ken ni PMAJ Jephre S. Taccad, Provincial Public Safety, Peace and Order iti Ilocos Norte Police Provincial Office (INPPO), ti nasao nga programa ket inisponsoran iti Firearms Investigation Group iti Ilocos Norte Police Provincial Office (INPPO).
Mainaig iti daytoy, maragsakan da ta ado dagiti nanggundaway kadaytoy a programada kas dagiti baro nga aplikante ken dagiti ag-renew kadagiti LTOPF application ken firearms registration-da.
Inbatad ni Taccad ti importansya iti daytoy a programa ket inyasidegda ti serbisyo iti registration and servicing unit (RSU) no sadinno dagitoy ti responsable iti panagurnos kadagiti kangrunaan a dukomento para ti registration ken renewal.
Malaksid iti daytoy, insayangkatda ti daytoy a programa gapu ti kalikagumda a makontrol ken maipaayan ti awareness dagiti agtagikua iti paltog aglalo ta nangitunda ti pannakaalarma dagiti napasamak nga insidente iti sabali a probinsia.
Kabayatanna, basar ken ni Taccad, daytoy ti umuna a gundaway a nangisayangkat da ti kastoy a programa iti provincial level.
