LAOAG CITY – Nakipagpaset ti agtawen pito nga Idaho boy a ni Tyrel Wolfe iti Operation Christmas Child babaen ti panangipaayna ti maysa a shoebox a naglaon ti nadumaduma a regalo a maipatulod iti sabali a pagilian.
Pakairamanan kadagiti intipon na iti shoebox ket iti ladawan na a nakasuot ti cowboy clothes.
Daytoy ket naawat ti agtawen walo a ni Joana Marchan idiay Quezon City.
Mainaig iti daytoy, ginandat ni Joana a mangipatulog ti thank-you letter ken ni Tyrel ngem saan a nakadanon daytoy.
Gapu iti daytoy, indulin ni Joana ti ladawan uray no saan na nga amammo iti Idaho boy ti personal a panagbiag.
Naglabas ti panawen, sinarak ni Joana ti nagan ni Tyrel iti Facebook ket ditoy a nangrugi ti panagsarsarita da iti inaldaw.
Saan a namnamaen ni Joana ti pasamak idinto a nagbiahe ni Tyrel iti Pilipinas tapno maamammo ni Joana iti personal.
Kamaudiannanna, nagsubli ni Tyrel tapno dawaten ti ima ni Joana iti amana gapu ta kayat na nga asawaen TI babai a nabayag a nagidulin ti ladawanna.
