LAOAG CITY – Limmabesen iti 5,000 ti nairekord a natay iti Ebola outbreak idiay Democratic Republic of Congo.
Daytoy ket basar iti naiparuk-at a government data ti nasao a pagilian.
Mainaig iti daytoy umabot met iti 10,000 nga indibidual ti nairekord a nagpositibo sipud idi bolan ti Mayo. Kabayatan nga awan pay ti naaprubaran nga agas wenno vaccine iti nasao a virus.
Basar iti nairekord dagiti otoridad, umaboten iti walo manipud iti 26 a probinsia idiay Congo ti naapektaran ti Ebola virus.
Kabayatanna, ti nasao nga outbreak ket maibilang kas maika-dua a kadakkelan nga outbreak iti intero a lubong.
