Umaboten iti 10,000 ti kumpirmado a kaso ti Ebola virus iti Democratic Republic of Congo.
Daytoy ket iti baet ti agtultuloy nga ar-aramiden nga addang ti gobierno ti Congo tapno makontrol ti agtultuloy a panagadu dagiti makaptan ti sakit.
Mainaig iti daytoy, inbatad ti ministry of health ti Congo, nairekord iti pakasaritaan ti kaalistoan a panagadu dagiti agsaksakit nga umaboten iti 10,060 a kaso.
Basar iti datos, agarup kagudua dagiti kumpirmado a kaso ket natay gapu iti nadakamat a sakit no sadinno a nairekord pay ti kakaroan nga outbreak ti nadakamat a virus iti pakasaritaan ti Congo.
Maipalagip a nangrugi ti outbreak idi Mayo ita a tawen gapu iti Bundibugyo virus, maysa a variant ti Ebola nga awan pay ti bakuna wenno pangkontra na.
Umabot metten iti walo a probinsia ti naapektaran ti nadakamat a sakit no sadinno a nagwaras daytoy iti 66 nga health zones.
Nagwaras payen iti sumagmamano a rehion ti kontinente nga Africa ti virus a nairekordan payen ti kaso iti Nigeria ken Kenya.
