LAOAG CITY – Nagwarasen ti outbreak ti Ebola iti Congo iti pito a probinsya.
Daytoy ti kaalistoan a panaglobo ti outbreak ti nasao a sakit iti intero a lubong.
Segun iti gobernador ti northwestern province ti Sud-Ubangi a ni Jean-Rene Galekwa Vundawe, inadal ti national research institute ti Congo ti sample a nakakitaan ti Bundibugyo virus, maysa a naidumduma a klase ti Ebola a mangituntunda ti agdama nga outbreak.
Naamoan a dagiti nasao a sample ket naggapo iti Bulu health district iti Sud-Ubangi.
Saan metten a nangipaay ti impormasyon maipanggep iti source ti impeksyon.
Kabayatanna, inbatad ti dati nga health minister a ni Jean-Jacques Mbungani nga adda metten ti nairekord a positibo a kaso ti sakit iti Gwaka, maysa nga ili iti Sud-Ubangi province.
Daytoy ket maysa nga agtawen ti 23 a lalaki a pasyente nga iti saan a nagbayag ket pimmusay metlaeng.
Inalerton dagiti doktor ken otoridad dagiti pasyente iti Sud-Ubangi nga addaan ti gurigor ken agibakwar ti dara.
Iti kaudian a datos ket umaboten iti 7,022 ti kaso ti Ebola ken 3,398 ti pimmusay iti nadakamat a pagilian.
Inrakurak ti World Health Organization a narigat a makontrol ti outbreak ken naartapanen ti West Africa ti Ebola Outbreak idi 2014 agingga iti 2016.
