LAOAG CITY – Inrakurak ti Malacañang a dakkel ti nagbalin nga epekto ti P50-milyon a gunguna iti kabaelan ni Senador Ronald “Bato” Dela Rosa a nawaya a makapagaraw a saan a madmadlaw, kagiddan ti napaigetan nga operasyon ti nailian a pulisya ken pannakaalerto ti publiko.
Basar iti report ti Philippine National Police, naannad a matingtingiting ti amin nga impormasyon a maaw-awat da ken dagus a respondean dagiti mapagtalkan a lead.
Nagkedked met ti Malakanyang a mangipaay ti detalye mainaig iti lokasyon ken operasyon kontra iti senador tapno saan a maikabil iti risgo dagiti a impormante ken dagiti kameng ti nailian a pulisya.
Sumangsango ni Dela Rosa iti arrest warrant ti International Criminal Court gapu iti kaso a crimes against humanity mainaig iti kampanya kontra ti ilegal a droga ti administrasyon ni dati a Presidente Rodrigo Duterte.
Naglemmeng ni dela Rosaa kalpasan a kinumpirmaran ni Ombudsman Jesus Crispin Remulla idi naudi a paset ti 2025 nga addaan ti warrant kontra iti senador.
