LAOAG CITY – Dinadael ti Bureau of Customs Manila International Container Port (BOC-MICP) ti lima a container ti smuggled a sigarilyo ken dagiti nagango a bulong ti tabako nga agbalor ti P179.03 million iti Porac, Pampanga.
Naiwayat ti destruction activity manipud Setiembre 30 agingga Oktubre 2, 2026, no sadinno a karaman dagiti nadadael ket ti uppat a container ti sigarilyo ken ti maysa a container ti dried tobacco.
Nakumpiskar dagiti nasao a produkto kalpasan ti naiwayat nga inspeksion idi Oktubre 8, gapu kadagiti nakitada a panaglabsing iti Graphic Health Warnings, TRAIN Law ken ti Customs Modernization and Traffic Act (CMTA).
Kabayatanna, ti nasao a pannakadadael dagiti nakumpiskar a sigarilyo ken tabako ket tapno masigurado a dagitoy ket saanen a mailako iti merkado, ken tapno maprotehiran ti salun-at ti publiko, pammastrekan ti gobierno ken dagiti lehitimo a negosio.
