Pabor ni Senador JV Ejercito ti insingasing ni Senador Panfilo Lacson a makissaya ti P2 bilyon ti P7.7 bilyon a budget ti Senado iti sumaruno a tawen.
Segun ken ni Ejercito, ti chairman ti Senate Committee on Finance a silulukat daytoy iti insingasing ni Lacson, a chairman ti committee on accounts, tapno agbalin kas pagtuladan iti Kamara de Representantes.
Mangnamnama ni Lacson a no makissayan ti P2 bilyon ti budget ti Senado, sumaruno met ti Kamara de Representantes tapno makatipid ti gobierno.
Immunan a naduktalan ni Lacson a P5 bilyon ti innayon ti Kamara de Representantes iti bukod da a budget iti 2027.
Kabayatanna, nagpannawagan ti sumagmamano a senador ti naan-anay a pannakaadal ti 2027 national budget iti baet ti decision ti Koret Suyprema nga ibasura ti sumagmamano a paset ti 2024, 2025 ken 2026 budgets iti Unprogrammed Funds.
