Nangisayangkat ti Israel ti demolision dagiti pasdek ken pwinersa dagiti residente nga agbakwit iti komunidad iti West Bank idi kalman, Oktubre 23, sumagmamano nga oras kalpasan a nangisayangkat ti 2 a Palestinian gunmen ti pammaltog iti Israeli military checkpoint a nakatayan ti 2 a suldado.
Malaksid iti daytoy, tallo pay nga suldado ti nasugatan iti panagatake iti siudad ti Hebron, basar iti Israel Defense Forces (IDF).
Ti panagatake ket napasamak uppat nga aldaw sakbay ti pannakasayangkat ti Israel ti eleksion iti kaunaan a gundaway manipud ti panagatake ti Hamas-led group idi Oktubre 7, 2023.
Basar iti Israel Defense Forces (IDF) kalpasan ti panagatake ket nangpataw daytoy iti “a full siege” iti siudad ti Hebron ken inbilin ni Prime Minister Benjamin Netanyahu ti naan-anay a panagserra iti West Bank manipud idi Biernes.
Kabayatanna, insayangkat ti puersa ti Israek ti demolision iti paset ti Farsh al-Hawa iti Hebron. Idinto a naamoan a natay dagiti nadakamat a 2 gunman iti lugar.
