LAOAG CITY – Inarestar dagiti suldado ti Israel ti agarup 50 a Palestino iti West Bank.
Naiwayat ti military crackdown iti West Bank kalpasan ti napasamak a panangatake a nakatayan ti uppat a Palestino ken dua a suldado ti Israel.
Kaadoan kadagiti naarestar a Palestino ket manipud iti ili ti Tal iti southwest Nablus no sadinno a napasamak ti pammaltog.
Sinerrek dagiti suldado ti Israel ti agarup 70 a pagtaengan dagiti Palestino.
Maipalagip nga inbilin ni Israeli Prime Minister Benjamin Netanyahu ken Defense Minister daytoy a ni Israel Katz ti nalawa a military operations iti West Bank kalpasan ti panangatake nga asideg iti Havat Gilad settlement a nakatayan ti dua a suldado ti Israel ken nakasugatan ti tallo a dadduma pay.
