Nangilatang ti Department of Interior and Local Government (DILG) ti P50 million a gunguna para iti insigida a pannakatiliw ni Senador Ronald “Bato” dela Rosa.
Segun ken ni Interior Secretary Jonvic Remulla, maibilang kas ‘armed and dangerous’ ti aglimlimmeng a senador.
Malaksid iti daytoy, kunana nga ar-aramiden da amin a nakappia a wagas a panangpa-surrender tapno maliklikan ti aniaman a naranggas a panagdangadang.
Mainaig iti daytoy, aggapu ti nadakamat a gatad iti intelligence fund ti Philippine National Police ken iti Department of Interior and Local Government.
Kabayatanna, nangipaay met ni Philippine National Police Gen. Jose Melencio Nartatez Jr ti maysa a lawas nga ultimatum ken ni Dela Rosa tapno ag-surrender daytoy.
Naamoan nga agmaysa tawen inton Nobiembre ti pannakaparuk-at ti warrant of arrest manipud iti International Criminal Court (ICC) gapu iti kaso a crime against humanity iti war on drugs idi panawen a nagserbi daytoy kas Philippine National Police chief idi panawen ni dati a Presidente Rodrigo Duterte.
Nupay kasta inlawlawag ni Nartatez nga uray pay awan dagiti naikeddeng a gunguna ket agtultuloy ti panangisayangkatda ti operasion a panangsukisok iti senador.
