Nagpanawagan ti Malacañang ken ni Sen. Ronald “Bato” dela Rosa a sumukon kadagiti otoridad tapno maliklikan ti possible a nadara a komprontasyon mainaig iti pannakaipatungpal ti arrest warrant ti International Criminal Court (ICC).
Immunan nga inbatad ni Department of the Interior and Local Government Secretary Jonvic Remulla a maipagarop nga adda idiay Mindanao ni Dela Rosa ken protprotehiran ti maysa a grupo.
Segun ken ni Remulla, manarimaanen ti pannakikoordinar dagiti otoridad iti nasao a grupo tapno agbalin a naurnus ti turnover ti senador imbes nga agtungpal iti kinadamsak ti operasyon.
Kuna pay ti DILG chief nga ad-adda a pilyen da nga idalan paylaeng ti negosasyon ti sitwasyon imbes a mangiyuswat ti operasyon a mabalin a mangitunda ti risgo iti biag dagiti sibilyan ken dagiti otoridad.
Kagiddan iti daytoy, nagpanawagan ti Malacañang kadagiti maipagarop a mangprot-protehir ken ni Dela Rosa a saan a lapdan ti pannakaipatungpal ti linteg.
