LAOAG CITY – Kinumpirmaran ni Department of the Interior and Local Government (DILG) Secretary Jonvic Remullaa nakaruaren ditoy pagilian ti gambling tycoon a ni Caharlie “Atong” Ang babaen iti panangusar na ti backdoor.
Mainaig iti daytoy, nagkedked ni Remulla a nangipaay ti nayun a detalye mainaig iti eksakto nga aldaw ken no kasano a nakaruar ni Ang iti baet ti naiget nga imbestigasion dagiti otoridad.
Maipalagip a nabayagen nga an-anupen ni Ang a maitudtudo nga utek iti panapukaw ti sumurok-kumurang 34 a mammallot a maipagarup pimmusta iti negosiona idi tawen 2021 agingga iti 2022.
Gapu iti daytoy, inrekomendar ti Department of Justice ti pannakaipila ti 26 a bilang ti kaso a kidnnapping kontra ken ni Ang, karaman ti 21 pay nga indibidual, a pakairamanan dagiti 15 a pulis kalpasan ti panangipublikar ti maysa a testigo a maipagarup a naibelleng dagiti biktima iti Taal Lake iti Batangas a maipagarup a bilin ti nasao a negosiante.
