Sinelebraran ti maysa a babai iti Britanya ti maika-99 a kasangay na babaen ti wing walking, no sadinno a nagbalin daytoy kas kataengan iti intero a lubong a nakaaramid iti daytoy.
Inbatad ni Helga Duffy a nainspirar a mangpadas ti Guinness World Record para iti “world’s oldest wing walker” kalpasan a naipadamag ti dati a record-holder a ni Betty Bromage a nangiyuswat ti feat iti tawen na a 97.
Segun ken ni Duffy, ti orihinal a pannakaipatungpal koma ti wing walk keit iti kaaldawan a mismo ti kasangay na idi Setyembre 23, ngem naitantan iti Oktubre 16.
Naimatangan a mismo ti Guinness World Records adjudicator ti inaramid ni Duffy iti RFC Rendcomb Airfield ken nakumpirmaran a dagus ti pannakagun-od na ti nasao a titulo.
