LAOAG CITY – Naburak ti maysa a babai a paggugusto na ti ay-ayam a gold manipod iti California ti naidumduma a Guinness World Record babaen ti panangikabil na ti 711 a tee iti buokna.
Nagun-od ni Anya Bannasch, agtawen ti 45, ti titulo para iti “most golf tees in the hair” babaen ti panangtulong kenkuana dagiti papagayam na a nagikabil ti ginasut a tee iti buokna a nagpaot iti 47 a minuto.
Inbatad ni Anya a nabayagen nga arapaap na ti mairaman iti Guinness World Records book.
Innayon na a kalikagom na ti makaparnuay ti naidumduma a banag iti golf world.
Mainaig iti daytoy, kuna ni Anya a ti inspirasyon na iti nagun-od na a titulo ket ni Joel Strasser, ti serial record-breaker nga addaan ti multiple titles gapu iti panagikabil na ti nagduduma a banag iti barbasna.
