LAOAG CITY – Umabot iti 139 a migrants a pakairamanan ti 15 nga ubbing ti natay kalpasan a naarinebneb ti nagluganan da a bangka iti kabaybayan a paset ti Djibouti.
Basar iti Migration Office iti United Nation, malaksid kadagiti natay ket dinosdosena a sabsabal pay dagiti nagtalinaed a mapukpukaw kalpasan iti insidente.
Naamoan nga agdaldalyasat ti bangka manipod iti Djibouti nga agturong iti Yemen a daytoy ket addaan ti 305 a pasahero idi maarinebneb iti asideg ti aboard port town ti Obock.
Inpakaammo ti International Organization for Migration nga adda met ti agarop 82 a tattao ti naisalakan.
Inawagan ni International Organization for Migration Djibouti mission chief Alexandre Coissac ti trahedya kas “stark reminder” kadagiti migrants nga agkalikagom a mapan mangpadas ti gasatna iti sabali a lugar.
