LAOAG CITY – Nagun-od ti maysa a mountain biker iti Austria ti Guinness World Record babaen ti panangpalagto na ti bisikleta na manipod iti kangato a 12.46 feet tapno marum-ek na ti bassit a cardboard box babaen iti akin-likod a ligay.
Inpatungpal daytoy ni Mario Neurauter iti Bike Republic Sölden Festival no sadinno a kinabaelan na a gun-oden ti Guinness World Record para iti “highest vertical drop on a bicycle on to a target (male category).
Linuganan ni Neurauter ti bisikleta na ket pinalagto na iti manipod iti kangato a 12.46 feet agingga iti baba no sadinno a nagdisso ti akinlikud a ligayna iti bassit a nalabbaga a kahon ken balligi a narum-ek na daytoy.
Inbatad na a narigat ti mangpuntirya ti bassit a kahon ken saan a naan-anay a nakapag-training para iti daytoy, ngem nakaragragsak gaputa kinabaelan na a gun-oden ti nasao titulo.
Immunan a ginandat ni Neurauter ti Guinness World Records para iti highest vertical drop on a bicycle iti kangato a 360 vertical drop on a bicycle, ngem agpapan ita ket manarimaan paylaeng ti panangrebisar ti record-keeping organization.
