LAOAG CITY – Nangipasa ti affidavit ti abogado ni Vice President Sara Duterte iti National Bureau of Investigation mainaig dagiti alegasion ni dati a police officer Rodulfo Gracioso Jr. gapu iti maipagarup a panangitulodna dagiti minaleta a kuarta iti Pamila Duterte.
Segun ken ni Gracioso, dati a miembro ti security detail ni House Speaker Lord Allan Velasco, inpatulodna dagiti cash-filled suitcase kada Vice President Sara Duterte, dati a Presidente Rodrigo Duterte ken Davao City 1st District Representative Paolo “Pulong” Duterte a maibagbaga a bilin ni Velasco.
Inbatadna pay a mapatta-patta nga sumurok P2 billion ti maipagarup a pakabuklan a kuarta nga intulod ni Gracioso ken ni Vice President Duterte ken tunggal maleta ket possible a naglaon ti minillion a pisos.
Mainaig iti daytoy, naglikudan ti Bise Presidente dagiti alegasion.
Nupay kasta, saan a personal a nagatendar ti bise president iti National Bureau of Investigation ken ti laeng abodagona ti simmango tapno ipasa ken ilawlawag ti affidavit ken sungbatna kadagiti alegasion.
Segun ken Atty. Clifford Chua, saan a kasapulan nga ag-appear ti personal ni Duterte isu nga isuda laengen ti mangibagi iti panangipasa ti affidavit.
Kunana pay nga saan nga pudno dagiti alegasion ni Gracioso.
Inpakaammona a karaman pay iti affidavit dagiti ladawan nga inparuk-at ti bise iti insayangkat a press conference.
Iti agdama, under investigastion latta ni Bise Presidente Sara Duterte gapu dagiti alegasion a sangsangoenna mainaig iti cash filled suitcase wenno panagawat ti minaleta a kuarta nga intulog ni dati a police officer Rudulfo Gracioso Jr.
Kabayatanna, inbatad ni Atty. Chua a tingitingen ti National Bureau of Investigasion ti inpasa nga affidavit ti kampo ni Vice President Sara Duteret ken dumalan iti maysa a fact checking finding process.
