LAOAG CITY – Kinumpirmaran ti National Bureau of Investigation (NBI) ti panang-raid da ti balay a maipagarop a kukua ni dati nga House Speakder Lord Allan Velasco ken ti asawa na a ni Rowena.
Segun ken ni National Bureau of Investigation Director Melvin Matibag, insayangkat da ti raid idi Agosto 24 kalpasan a nakaawat da ti impormasyon nga adda dagiti nailemmeng a nangangato ti kalibre na a paltog iti sumagmamano a balay iti Valle Verde iti ciudad ti Pasig.
Kuna ti NBI Director a dagus da a nagaplikar ti warrant ken insayangkat da ti search warrant no sadinno a rimuar a dagiti balay ket bagi ti dati nga House Speaker.
Nakaala da kadagiti paltog, magazines, bala, basyo ken Identification Card dagiti security personnel ken dagiti kameng ti nailian a pulisya ngem awan dagiti pulis iti lugar.
Nakarehistro dagiti balay iti sumagmamano nga empleyado ken kumpanya ni Velasco.
Saanen a nadakamat pay ni Matibag no mano ti balay ngem dagiti address ket agpada iti nadakamat iti affidavit ti dati a security aide ni Velasco a ni Rodulfo Gracioso a naisumitir iti National Bureau of Investigation ita a bolan ti Setyembre.
Maipalagip a dimmatag ni Gracioso ken inbutaktak na a nag-deliver daytoy kadagiti maleta a naglaon ti kwarta ken ni Vice President Sara Duterte ken dati a Presidente Rodrigo Duterte, kasta met ken ni Davao City 1st District Rep. Paolo Duterte manipod 2018 iti babaen ti pammilin ni Velasco.
