Manglukat ti lima a pagilian iti European Union ti migrant deportation centre iti Rwanda iti sumaruno a tawen.
Namnamaen ti pananglukat ti Germany, Denmark, Austria, Greece ken ti Netherlands ti “return hub” a nakasagana a mangawat kadagiti maiyakar a migrants intono 2027.
Basar kadagiti nadakamat a pagilian, ti nasao nga addang ket maiyaplikar kadagiti migrants nga illegal nga agnanaed iti bukod da a lugar a manamnama ti pannakaideportar na.
Mainaig iti daytoy, inpetteng ni Spanish Prime Minister Pedro Sánchez a ti plano a pananglukat ti migrant deportation centre idiay Rwanda ket awan ti masakbayan wenno asi na, gapu ta saan a daytoy ti solusyon. – Bombo Radyo Laoag












