Manarimaan ti panagsagsagana ti Makati City para iti hosting iti 2nd Regional Forum on Human Rights Cities in ASEAN.
Naikeddeng ti nadakamat nga event inton Nobiembre 3 ken 4, ita a tawen no sadinno manamnama a matratar iti dua nga aldaw a hybrid conference no kasano a matungpal ti high-level human rights commitments kadagiti lokal a komunidad ken panangprotehir iti karbangen iti tunggal maysa.
Manamnama a makaaramid dagiti delegado dagiti rekomendasion iti ASEAN tapno maprotehiran ti human rights ken maipakita ti 4th Philippine Human Rights Plan.
Karaman pay ditoy ti dadduma pay a programa a pinondoan ti European Union kas ti EU-Governance in Justice (EU-GOJUST) Programme, maysa a partnership iti baet ti European Union ken Philippine government, kadua ti Supreme Court, Department of Justice, ken Department of the Interior and Local Government, a gagemna a makabukel ti epektibo, accountable ken people-centered justice system.
Mapatta-patta nga umabot iti 54 a delegado ti agatendar ti personal pakairamanan ti 35 a ganganaet a makipaset.
Kabayatanna, manamnama pay a maadaan ti virtual attendees manipud iti nagduduma a paset ti Southeast Asia ken Europe.
