LAOAG CITY – Nakagun-od ti suporta manipud kadagiti lider ti European Union ni Ukraine President Volodymyr Zelenskyy iti napalabas nga European Summit iti Brussels, Belgium.
Daytoy ket adda pakainaiganna iti agtultuloy a rinnupak ti Ukraine kontra iti Russia.
Nagtalinaed ti takder da Eropean Union chiefs, European Commission President Ursula von der Leyen ken European Council President Antonio Costa, a nagkaysa ti suporta, babaen ti panangallukoy daytoy kadagiti kaalyado a tulungan ti Ukraine ken manangnayon ti puersa kontra iti Russia.
Inbatad pay ni von der Leyen a saanna ibabawi dagiti sanction a naipataw iti Russia agingga inton isardeng ti nadakamat a pagilian ti agtultuloy a rinnupak.
Mainaig iti daytoy, immunan a nagdesision ti Estados Unidos nga ikkaten dagiti inpatawna a sanctions iti Russian oil exports, pakairamanan iti shadow fleet daytoy kalpasan ti napasamak a phone call iti baetan ni US President Donald Trump ken Russian President Vladimir Putin.
