LAOAG CITY – Kinondenar ti Estados Unidos, Japan, Australia, Canada ken European Union ti insidente iti West Philippine Sea no sadinno basar iti Philippine Coast Guard (PCG) a dinungpar ti China Coast Guard vessel ti BRP Datu Magat Salamat ti Bureau of Fisheries and Aquatic Resources (BFAR).
Naiget a kinondenar ni US Ambassador to the Philippines Lee Lipton ti insidente. Kabayatan a kuna ti Canada, Australia, Japan ken European Union a madanaganda iti risgo ti maneuver wenno maniobra ken ti epektona daytoy iti kinatalged ken kinatibker iti rehion.
Maipalagip a napasamak ti insidente idi Setiembre 18 kabayatan a mangisaysayangkat ti BFAR vessel ti fuel assistance mission para kadagiti Pilipino a mangngalap iti asideg ti Abad Santos wenno Bombay Shoal, sumurok-kumurang 54 nautical miles manipud iti Palawan.
Basar iti Philippine Coast Guard, iti oras ti alas-11:04 iti bigat ket dimmalan ti CCG-21585 iti likudan ti Philippine vessel iti kaadayo a sumurok-kumurang 10 a metro. Kalpasan ti siam a minuto, inulit ti Chinese vessel to maniobra ken naaddaan ti contact iti BRP Datu Magat Salamat kabayatan nga agtalinaed daytoy ti direksion.
Nadadael iti insidente ti sumagmamano a railings, metal stanchions ken support structures ti BFAR vessel ken naikkat iti puesto dagiti sumagmamano a ramit iti deck, kabayatan nga awan nairekord a nasugatan.
Kabayatanna, kinondenar ti Department of Foreign Affairs ti inaramid ti Chinese Coast Guiard, inpaganetgetna a mangisaysayangkat laeng ti BFAR vessel ti routine ken lawful humanitarian activity tapno masuportaran dagiti Pilipino a mangngalap.
Nagpanawagan ti Department of Foreign Affairs iti China a respetaren ti sovereign rights ti pagilian iti exclusive economic-na daytoy ken liklikan kadagiti addang a mabalin a mangpakaro ti tension.
Mainaig iti daytoy, sabali ti besion ti Beijing ken basar iti Chinese Foreign Ministry ken China Coast Guard a ti Philppine vessel ti maipagarup a nangisayangkat ti narisgo a maniobra ken gagemna a dungparen ti Chinese vessel.
