Inparuk-aten ti Samahang Basketbol ng Pilipinas (SBP) i final line-up ti Gilas Pilipinas a makilaban iti fifth window ti FIBA Basketball World Cup 2027 Asian Qualifiers a maiyuswat idiay Malaysia.
Indaulwan daytoy ti baro a naturalized player a ni Bennie Boatwright ken ti agsubli iti Gilas a da Rhenz Abando ken Kai Sotto.
Karaman pay iti final 12 da Quentin Millora-Brown ken Mike Phillips a saan a nakaay-ayam iti fourth window gapu iti injury.
Makompleto ti final 12 babaen kada Chris Newsome, Dwight Ramos, AJ Edu, Kevin Quiambao, Juan Gomez de Liano, Cjay Perez ken Scottie Thompson.
Naudi a nairaman ni Abando iti Gilas idi FIBA Basketball World Cup 2023 a naiyuswat ditoy Pilipinas.
Makasangot ti Gilas Pilipinas ti Syria intono Nobyembre 27 idinto a ti Iran ket intono Nobyembre 29 iti Karisma Arena iti Seremban, Malaysia.
