Inaabak ti Boston Celtics ti Charlotte Hornets babaen ti 39-point lead iti labanda ita nga aldaw, Nobiembre 7.
Nadominar ti 2024 NBA champion ti ay-ayam no sadinno saan a kinabaelan ti Hornets nga artapan ti 20-point deficit iti 1st quarter.
Iti panagleppas ti 3rd quarter, dimmakel ti lamang iti 39 points agingga a nalpas ti laban iti score a 119-80.
Iti uneg ti 29 a minutos ti panagay-ayam ni Boston star Jayson Tatum, kinabaelanna a mangserrek ti 34 points ken nakagun-od ti walo a rebounds, siam nga assists, maysa nga steal ken maysa block.
Mainaig iti daytoy, nangiserrek ti sumagmamano a 3-pointers ti koponan no sadinno 24 a tres manipud iti 44 a inparuk-atda.
Naaramidda daytoy iti babaenti 53 aporsiento a 3-point shooting. Idinto a 11 a tress laeng ti naiserrek ti Hornets.
Iti Hornets, ti laeng veteran forward a ni Naz Reid ti nakagun-od ti double-digit score kadagiti Charlotte starter, a 14 points ken 6 a rebounds.
Saan pay nakaporma ti forward a ni Grayson Allen ken iti uneg ti 22 a minuto iti panagay-ayamna ket awan ti aniaman a naiserrekna a puntos.
Kabayatanna, daytoyen ti maikapito a balligi ti Celtics, iggem ti dua a lose kabayatan a 3-7 win-lose ti rekord ti Charlotte.
