LAOAG CITY – Balligi a naarestar ti maysa a drug surrenderree iti naiyuswat a drug buy-bust operation iti siudad ti Batac.
Ti suspek ket maysa a lalaki, agtawen ti 35, awanan asawa, residente ti Barangay 9, Aglipay iti isu met laeng a siudad.
Basar iti Ilocos Norte Police Provincial Office (INPPO), naglako ti suspek iti nagpammarang a police poseur buyer ti maysa nga heat-sealed transparent plastic sachet a maatap a shabu nga agdagsen ti 0.5 a gramo nga addaan ti standard price a P 3,400.
Mainaig iti daytoy, nakumpiskar pay ti 7 a pedaso ti heat-sealed transparent plastic sachet a maatap a shabu nga agdagsen ti 4.5 a gramo ken addaan ti standard drug price a Php 30, 600.
Karaman pay a nakumpiskar manipod iti suspek ti 1 a pedaso ti genuine one-thousand-peso bill a nausar kas buy-bust money, ken dadduma pay a drug paraphernalia.
It agdama, maisagsaganan p dagiti dokumento a kasapulan para iti pannakaipila ti kaso kontra iti suspek.
