LAOAG CITY – Nakairekord ti Department of Health (DOH) – Ilocos Region ti 6,588 nga influenza-like illnesses manipud Enero 4 agingga Oktubre 10 iti daytoy a tawen, no sadinno bimmaba daytoy ti 29% kumparar iti kapada met laeng a bolan idi naudi a tawen.
Mainaig iti daytoy, ti naireokord a panagbaba ti nasao a kaso ti sakit ket resulta ti agtultuloy nga information campaign ti ahensia ken ti aktibo a pannakaisayangkat ti anti-flu vaccination drive para kadagiti vulnerable sector.
Kabayatanna, iti baet ti panagbaba ti kaso ti Influenza-like illnesses ditoy rehiyon uno, agtaltalinaed ti risgo ti nasao a sakit gapu iti mapaspasaran a panagbaliw-baliw ti paniempo.
