Inrakurak ni Department of Agriculture Secretary Francisco P. Tiu Laurel Jr. ti suporta na kadagiti panawagan dagiti hog raisers para iti nangatngato a taripa dagiti maangkat ti baboy.
Inkari na nga aramiden amin ti ahensya ti kabaelan da tapno bumaba ti dumakdakkel a pannakalugi dagiti lokal a prodyuser a marigrigatan gapu iti nalaka a presyo dagiti maang-angkat a produkto ti baboy.
Ti rakurak ti sekretaryo ket mangipamatmat iti nalawa a katulagadan iti Samahang Industriya ng Agrikultura (SINAG), a mangilunglungalong para iti nangatngato a taripa ken temporaryo a pannakasuspenso ti nayun ti maangkat a baboy tapno protehiran ti industriya ti baboy iti uneg ti pagilian.
Kalikagom ti Samahang Industriya ng Agrikultura nga isubli dagiti taripa iti 30 a porsyento para kadagiti maang-angkat a baboy nga adda iti uneg ti quota ken 40 a porsyento para kadagiti kargamento iti ruwar ti quota, karaman ti 120 nga aldaw a suspensyon ti nayun ti maangkat a produkto.
