LAOAG CITY – Immapela ni Agriculture Secretary Francisco P Tiu Laurel Jr. iti Senado nga aprobaran ti P198.4 billion a budget ti Department of Agriculture para iti 2027.
Kunana nga agegeddan a bagkat dagiti mannalon ken mangngalap ti krisis ti climate change, super El Niño ken panagngato ti presio ti abono ken krudo.
Nagballag pay ni Tiu Laurel a posible a maapektaranna daytoy ti agingga 4.6 million a mannalon iti intero a pagilian. Inpaganetgetna a saan a nainkalintegan nga agkiddaw ti nalaka a taraon no ti mismo dagiti agmulmula ket marigatan iti gastos iti produksion.
Gagem ti gakat a pondo a tulungan ti sektor usar ti de-kalidad a bin-i, kabaroan a teknolohia ken dagiti baro a farm-to-market road ken cold storage.
Makatulong pay daytoy tapno makissayan ti pannakalugi ken maingato ti pagsapulan dagiti komunidad iti nasulinek a lugar.
Numan pay bimmaba iti 7.9% ti paset ti agrikultura idi 2025, agtultuloy latta ti pannakaipaay ti trabaho iti maysa iti addo a Pilipino.
