Ilunglungalong ni Marikina 2nd District Rep. Miro Quimbo ti insigida a pannakaipasa iti National Water Resources Management Act tapno masigurado ti umdas ken manamnama a suplay ti danom iti baet ti pangta ti El Niño.
Segun ken ni Quimbo, ti kinakurang iti danom ket saan laeng a problema ti aglawlaw nudiket pakasaritaan pay ti salun-at ti publiko ken ekonomiya gapu ta maakeptaran daytoy ti inaldaw-aldaw a biag ti pamilya, operasion dagiti negosio, ken pannakaipaay ti serbisio publiko.
Gagem ti nailungalong a House Bill No. 6789 a mangipasdek ti paglintegan para iti pannakamanehar ti kinabaknang ti danom, kasta payen ti pannakaaramid ti Department of Water Resources ken Water Regulatory Commission.
Inaprobaran ti Kamara ti gakat iti maikatlo ken maudi a pannakaibasana idi Disiembre 22, 2025, ken naipasa iti Senado para iti naan-anay a tignay.
