LAOAG CITY – Naduktalan iti maysa a panagsukisok iti Oregon Health & Science Univesity (OHSU) a dagiti indibidual a regular a mangmangan kalpasan ti oras ti pangrabii wenno ti panagturog ket addaan ti 20% agingga 30% nga higher risk ti liver disease kumparar kadagiti indibidual a likliklikan ti mangan ti naladaw.
Pakairamanan dagiti kondision ket ti metabolic dysfunction-associated steatotic liver disease wenno fatty liver disease, ken cirrhosis, maysa a seryoso a kondision nga adda pakainaiganna ti extensive scarring ti atay.
Naamoan a maysa kadagiti posible nga rason no apay napateg ti panagpangan ti umno nga oras ket ti circadian rhythms iti bagi, ti internal biological a proseso a mangtulong a mang-regulate ti turog, metabolism ken dadduma pay a function iti 24-hour daily cycle.
Mainaig iti daytoy, partikular a sensitibo ti atay kadagiti nadakamat a ritmo. Makatulong daytoy tapno maproseso dagiti nutrients, ma-regulate ti blood sugar ken mamanehar no kasano nga agurnong ken agusar ti bagi ti enerhia.
Kabayatanna, ti panagpangan ti oras nga agsagsagana ti bagi biologically a maturog ket mabalin a malapeddan dagiti sumagmamano dagiti nadakamat a proseso ti bagi.
