Patien ni Congressman Sandro Marcos a kasapulan a maamoan dagiti kakailian no ania dagiti araramiden nga addang dagiti nagduduma nga ahensia mainaig iti epekto ti El Niño.
Segun kenkuana, napintas nga adda ti preparasion ngem kasapulan ti addang tapnu insigida a matulungan dagiti umili.
Kinunana nga importante a maummong dagiti nagduduma a sektor kas koma dagiti gunglo dagiti mannalon, ken dagiti tricycle drivers ken operation, tapnu amwen nu ana dagiti kangrunaan a kasapulanda.
Innayonna, ti araramiden ti 1st district congressional office ket siguradoen nga adda ti araramiden dagiti ahensia gapu ta dakkel ti akem ti gobierno tapnu masigurado a dagitoy nga addang ket maiyimplementar.
