Manarimaan ti panangisagsagana ti City Agriculture Office ti long term plan tapno maalay-ayan ti possible nga epekto ti nakaro nga El Niño ditoy ciudad ti Laoag.
Daytoy ti inbatad ni Konsehal Justine Clarence Chua, chairman ti Committee and Agriculture Office ditoy ciudad ti Laoag.
Segun ken ni Chua, addan dagiti immuna a naisagana ngem kasapulan ti naan-anay a pannakaisagana dagitoy.
Inrakurak na pay a kadagitoy a gundaway ket isu metten ti panagapit dagiti mannalon isut gapuna a saan paylaeng a maapektaran dagiti mula a pagay.
Innayon na a dagiti isagsana da a plano tapno maalay-ayan ti nakaro nga epekto ti El Niño kadagiti pagtatalonan ket mabalin a maiyaplikar to laengen iti umay a tawen.
Mainaig iti daytoy, inlawlawag ni Chua a mabalin laeng nga usaren ti disaster preparedness fund no maideklarar ti state of calamity ditoy probinsya.
