Inikkat ti maysa a babai iti South Korea ti saksakan ti maysa a freezer a naglaon iti frozen dessert kas ti ice cream tapno laeng i-charge ti cellphone-na, kalpasan na ket pinanawanna daytoy a saan nan nga insubli nga insaksak ti freezer.
Gapu iti daytoy, in-post ti agtagikua ti convenience store iti maysa a ladawan nga adda pakdaarna a “Reported for obstructing business” ken nadakamat pay ti inubra ti babai a nangitunda ti panagrunaw dagiti ice cream a saanen a nailakon ken naibelleng dagitoy.
Kabayatanna, maysa nga insidente met ti napasamak iti Bucheon Gyeonggi Province idi Marso 2022 no sadinno maysa a babai a mapatta-patta agtawen ti 60 ti nangikkat ti saksakan ti freezer iti maysa nga ‘unstaffed’ ice cream shop a nangitunda iti umabot 500,000 won wenno $375 a gatad ti narunaw nga ice cream.
Naamaoan a napatawan ti sentensia nga uppat a bulan a pannakaibalud ti babai ken nasuspenso ti maysa a tawen gapu iti pauli-ulit a report iti kapada nga opensa.
