LAOAG CITY – Ginutigot ti International Criminal Court registry ti Trial Chamber III nga ilawlawag ti aniaman a pammalubos ken ni dati a Presidente Rodrigo Duterte a rumuar iti courtroom kabayatan ti pannakausigna iti sangsangwen na a kaso.
Segun iti registry, mabalin a mangitunda ti disinformation ti bigla a panagpukaw ni Duterte iti courtroom feed, aglalo ket naiget ti interes dagiti biktima, apektado a komunidad ken dagiti agbuybuya iti Pilipinas kabayatan ti trial.
Inlungalong ti Registry nga ilawlawag iti publiko iti umuna nga aldaw ti trial ti aniaman nga standing permission tapno makarwar ni Duterte, ken mangipaay ti konkreto a detalye maipanggep iti daytoy.
Mabalin met nga uliten iti rugi ti kada trial day ken ipakaammo a nasapsapa kadagiti testigo.
Namnamaen met ti registry ti naiget a panagbantay ti Philippine media iti garaw ken kondisyon ni Duterte.
No saan a makaatendar a personal, mabalin met nga agusar ti video link manipod iti ICC detention center, subject iti panangaprubar ti chamber.
Immunan nga indeklarar ti Trial Chamber III a fit to stand trial ni Duterte.
Naikeddeng ti maikapat nga status conference intono Oktubre 13, idinto a ti maudi nga status conference sakbay ti trial ket intono Nobyembre 2.
