Rinugyanen ti Department of Agriculture (DA) ti agimbestigar iti preliminary safeguard measures tapno maammuan no kasapulan ti nangatngato a taripa wenno import restrictions tapno masalakniban ti lokal nga industria.
Maipalagip nga iti laeng nabiit ket inpakaammo ti Department of Agriculture ti maipapan iti pannakairugi ti imbestigasyon iti preliminary safeguard measures iti panagangkat ti karne ti baboy manipud iti nagduduma a pagilian.
Naobserbaran ti ahensia nga adda ti prima facie nga ebidensia ti nakaro a pangta iti domestic hog industry gapu iti umad-adu a maiserserrek nga imported a karne ti baboy ditoy pagilian.
Inkalintegan ti ahensia a ti dakkel ken agtultuloy a panagado ti maiserrek a karne ti baboy ket addaan iti direkta a pakaigapuan ti pannakapukaw ti industria.
