LAOAG CITY – Balligi naipaadal kadagiti barangay official ditoy siudad ti Laoag ti panangtagiben ken panangsaluad dagiti pagtaudan ti danum.
Daytoy ket babaen iti Stakeholder Capacity Building on Identification of Community Watershed Areas ti gobierno siudad babaen ti Office of the City Environment and Natural Resources Office.
Segun ken ni Mrs. Mylene Pascual, mangidadaulo iti nasao nga opisina, ditoy a makita ken maammoan dagiti paggapuan ti danum ken no kasano a masalakniban.
Kunana a ti aktibidad ket paset ti panagsagsagana ditoy siudad ti Laoag iti manamnama a nakaro nga epekto ti El Niño.
Kabayatanna, karaman iti nasao a panagtitipon ti pannakaipakaammo kadagiti opisial ti barangay, grupo ti mannalon ken mangngalap, ahensia ken dagiti dadduma pay a maseknan dagiti wagas tapno makainot ti danom ken maipasigurado a natalged ken adda ti naan-anay a mausar a suplay.
