Inpakaammo ni Mrs. Perlita Cabello, mangidadaulo iti City Social Welfare and Development Office ditoy siudad ti Laoag, nga adda dagiti addang nga ar-aramiden iti oposina da tapno makatulong wenno maliklikan ti nakaro nga epekto ti Super El Niño.
Segun kenkuana, addan ti pannakisarsaritana kadagiti empleado iti opisina da nga aginot da iti panagusar iti danum.
Malaksid iti daytoy, inpakaammo na pay nga iti agdama ket adda ti banbantayan da a dua centers, maysa a residential care home ken ti bahay pag-asa.
Mainaig iti daytoy, inbatadna nga adda ti manamnama a maisayangkat a panagsasarita para iti maiwayat a training tapno masursurwan dagitoy no kasanu ti panaginot ti danum.
Kunana a babaen kadagitoy a simple laeng a wagas ket dakkel ti maitulong na iti city government aglalo iti panaginot iti panagusar ti danum.
