Nagun-od ti maysa a babai a fitness coach iti Florida ti Guinness World Record babaen ti panangingato na ti dumbbell nga agdagsen ti 639 pounds babaen ti panangusar na ti luppo na.
Inbatad ni Lilian Zamora Alonso a nagun-od na ti titulo para iti “heaviest weighted hip thrust (female) a naiyuswat iti Miami Iron Gym idi Marso 27, ngem nakumpirmaran laeng daytoy kalpasan ti lima a bolan.
Segun ken ni Lilian, sipud agtawen ti 16 ket ar-aramiden nan daytoy ken nainspirar a manggun-od ti titulo kalpasan a naamoan na a ti dati a rekord ket agdagsen laeng ti 605 pounds.
Inpetteng na a ti target na koma a kadagsen ket 670 pounds, ngem nagdesisyon nga ipababa na para iti official world record attempt na.
Inadmitir a nakarikna ti panagdanag gapu ta kasapulan nga ipatulod da amin iti Guinness World Record para iti pannakatingiting da no kumpirmaran da ti titulo wenno saaan.
