Mapatta-patta nga umabot iti nasurok a P1.5-milyon ti balor dagiti nadadael iti pannakauram ti dua a 2-storey a balay iti paset ti Barangay Madamba iti ili ti Dingras.
Daytoy ket maibasar iti Bureau of Fire Protection iti nasao nga ili.
Iti imbestigasyon ti Bureau of Fire Protection, maysa kadagiti kitkitaen da a nangitunda ti uram ket ti naka-charge a DSLR camera.
Nupay kasta, agtultuloy paylaeng ti imbestigasyon ti ahensya tapno makumpirmaran no ania ti pudno nangrugyan ti apoy.
Maipalagip a ti maysa kadagiti dua a balay ket naminpinsan a nauram idinto a ti maysa ket ti laeng babana ti nasalbar.
Saan met a nadangran dagiti tallo nga indibidual nga agnanaed kadagiti nauram a balay iti nasao nga ili.
