Kinumpirmaran ti aktres a ni Katrina Halili nga adda ti dua a lote a ginatang da iti nobyo na a ni Kris Lawrence iti Antipolo City.
Nupay kasta, kuna na a no maipapan iti panagkasar da ken ni Kris ket saada pay a seryoso a mapagsarsaritaan daytoy, gapu ta ti napateg ket naragsak da, kadwa da ti anak da a ni Katie.
Kuna pay ni Katrina nga amin a banag ket pagtintinnulungan da ken ni Kris, aglalo ti maipanggep iti anak da, kasta met ti para iti salun-at ti tunggal maysa kadakuada, ken dagiti kasapulan iti balay.
Maipalagip a nagsinublialan da Katrina ken Kris idi setyembre 13 ita a tawen kalpasan ti panagsina da idi 2013.
