LAOAG CITY – Nagbalin nga emosyonal ti Kapamilya Actress a ni Dimples Romana kalpasan a nag-propose manen ti asawa na a ni Boyet Ahmee.
Ti nasao proposal ket napasamak idiay Paris, France a naawagan a “City of Love”.
Iti Instagram post ni Dimples, ti panag-propose manen kenkuana ni Boyet, ket kagiddan ti maika-23 a tawen ti anibersaryo da kas agasawa.
Iti video nga in-post ni Dimples, makita ti panagparintumeng ni Boyet para iti maikadwa a gundaway a pinag-propose na iti asawa na, a mangipaneknek ti panagayat na iti aktres, kagiddan ti panangikarina nga agtalinaaed ti panagtalek da iti tunggal maysa.












