LAOAG CITY – Napagasatan ti maysa a lalaki idiay China kalpasan a nakagatang ti maysa a two-bedroom apartment iti laeng $1.70 wenno balor P100.

Ti nadakamat a sanikua ket nailako babaen ti Chinese bidding platform Alibaba Auction kas paset iti Double 11 event iti pagilian, maysa nga annual shopping festival a kapada na ti Black Friday.

Ti 7th floor apartment ket adda iti Heilongjiang province iti northeastern China nga addaan ti rukod a 68 square metres ken addaan ti dua a bedrooms.

Basar ti lokal a media, ti bidding ket nangrugi iti one yuan wenno $0.15 ken nailako iti 11 yuan wenno $1.65.

Iti 1,677 bidders ti nakipaset iti daytoy, maysa nga anonymous shopper manipud eastern China Jiangsu-Zhejiang region ti nakagun-od ti sanikua.

Numan pay napagasatan daytoy a nakagun-od ti baro a balay iti bassit laeng a gatad a nagastos, ti nadakamat a buyer ket awanan ti plano nga umakar ngem plano na daytoy nga usaren kas pagtalinaeden no panawen ti winter ti two-bedroom property.

Kabayatanna, malaksid iti panagbayad na ti $1.70 para iti apartment, kasapulan pay nga agbayad tibuyer ti mapatta-patta a 2,000 yuan wenno $300 para iti deed taxes tapno makompleto ti title transfer.